伍浩哲 倒退嚕 大巡按蕃薯官主題曲

詞/曲:黃克林

(嘿- 來唷 趕來拜請喔)

欸-  拜請拜請 拜請東海岸 西海岸 
北投紗帽山 鶯歌出陶炭 草山底出溫泉

拜請哩 東營兵東營將 西營兵西營將 北營中營 兵中將
起雄兵這咧九千九百九萬千 直直降擱勒剩無零 神兵噢 神兵啊
過過過路靈 過過過路靈 旺來西瓜邊 欠錢冇要還
尖嘴是雞喔 扁嘴是番鴨 翹翹是豬肉 四角是豆干 白白是麵線

拜請拜請- 大仙王爺公 小仙王爺子
我是假意請 汝若來我就加了餅
天頂天公 地下母舅公 北海岸十八王公喔

拜請拜請 拜請拜請
我後生阿 愛著阿琴伊兮咧查某子 現在有影亦冇影
有影喊三聲喔 (冇影冇影冇影) 

王仙喔- 王仙啊
四果排著整桌頂 紅柿芭樂跟龍眼 欲吃就家箸揀
三碗兩碗隨汝排 醃雞擱抓來殺 沒錢我冇愛 紅包大咧隨汝來 
落誒來喔-

阿公啊對阮有啊有交待
叫阮咧麻雀粒啊 毋當黑白排
碰啊汝在碰啊 胡啊我在胡啊 槓頂著開花是加一檯喔

草埔嘛路上啊 草啊青青 草埔嘛路上啊 草啊掛墘
有孝的媳婦是三頓燒 不孝的媳婦是過路搖 啊過路搖 搖汝著搖過橋喔-

獻紙來汝嘛燒錢去啊 獻紙啊燒錢 是要買路去啊
獻紙來汝嘛燒錢去啊 獻紙啊燒錢 是要買路去哦 行汝著行過橋喔-

牛頭馬面啊二將軍 也有日夜雙遊巡啊
燒酒排汝銀紙獻啦 阿公啊對我是 就阿請裁
行汝就行 汝就給伊過橋噢

草埔嘛跑馬阿 草啊青青 草埔嘛路上阿 草啊掛墘
有孝的媳婦是三頓燒 不孝的媳婦是 過路搖啊過路搖 搖汝著搖過橋喔-
獻紙來汝嘛燒錢去啊 獻紙啊燒錢 是要買路去呀
獻紙來汝嘛燒錢去啊 獻紙啊燒錢 是要買路去哦
行你就行 行到觀音佛祖廟 喔---

(拜拜喔 拜拜喔 來拜觀音菩薩哦)

 

 

讚美馬英九之 倒退嚕

 

 

 

創作者介紹
創作者 timeboy 的頭像
timeboy

咱砸雜

timeboy 發表在 痞客邦 留言(0) 人氣()